काठमाडौँ- राष्ट्रपति विद्यादेवी भण्डारीले सरकारको नीति तथा कार्यक्रम प्रस्तुत गर्दै संसदमा ‘मेरो सरकार’ भनेपछि प्रमुख प्रतिपक्षि दल नेपाली कांग्रेसका युबा नेता तथा सांसद गगन थापाले प्रश्न उठाएका छन् ।
थापाले पनि राष्ट्रपतिको सम्बोधन शैलीमाथि प्रश्न गरेका छन्।
संसदभवनबाटै सामाजिक सञ्जालमा ट्वीटरमा ट्वीट गर्दै गगनले भनेका छन्, ‘म त नेपाल सरकार (जनताको सरकार) को नीति तथा कार्यक्रम सुन्न संसदमा उपस्थित भएको , यहाँ त राष्ट्रपति ज्यूबाट महामहिम ज्यूको निजी सरकारको कार्यक्रम को पो घोषणा भैरहेको छ’, प्रधानमन्त्रीलाई मेन्सन गर्दै उनले लेखेका छन, @PM_Nepal‘ज्यु,नेपाल सरकारको नीति तथा कार्यक्रम सुन्न कहाँ, कहिले आउँ होला।’
म त नेपाल सरकारको ( जनताको सरकार ) नीति तथा कार्यक्रम सुन्न संसदमा उपस्थित भएको ,यहाँ त राष्ट्रपतिज्यू बाट महामहिम ज्यू को निजी सरकार को कार्यक्रम को पो घोषणा भैरहेको छ। @PM_Nepal ज्यू,नेपाल सरकारको नीति तथा कार्यक्रम सुन्न कहाँ, कहिले आउँ होला?
— Gagan Thapa (@thapagk) May 3, 2019