दाङ,६ भदौ । दाङमा अरिङगालको टोकाईबाट एक जनाको मृत्यु भएको छ । मृत्यु हुनेमा तुलसीपुर उपमहानगरपालिका वडा नं.३ सिद्धेधारा बस्ने ४८ वर्षका कर्ण बहादुर मल्ल रहेको इलाका प्रहरी कार्यालय तुलसीपुरका डिएसपी श्यामु अर्यालले जानकारी दिनुभयो । शनिबार बारीमा घाँस काट्ने क्रममा अरिङगालको टोकाईबाट गम्भिर घाइते हुनुभएका मल्लको उपचारका लागि नेपाल गञ्ज लैजादै गर्दा आज बाटोमै मृत्यु भएको डिएसपी अर्यालले जानकारी दिनुभयो ।
